UCH MARKET — Maxfiylik siyosati

Oxirgi yangilanish: 2026-yil 8-oktabr · Ilova: UCH MARKET (com.uchqorgon.market3), Uchqo'rg'on bozori

UCH MARKET — Uchqo'rg'on tumani do'konlari va xaridorlarini birlashtiruvchi buyurtma ilovasi. Ushbu siyosat ilova qanday ma'lumotlarni yig'ishi, nima uchun ishlatishi va ularni qanday o'chirish mumkinligini tushuntiradi.

1. Qanday ma'lumotlarni yig'amiz

Ma'lumot	Nima uchun
Telefon raqami, ism	Akkauntga kirish (SMS tasdiqlash kodi), buyurtma berish va aloqa
Yetkazib berish manzillari, buyurtma izohi	Buyurtmani mijozga yetkazish
Buyurtmalar tarixi, sevimli mahsulotlar	Buyurtmalarni ko'rsatish, hisob-kitob va hisobotlar
Sotuvchilar: do'kon nomi, manzili, telefoni, logotip va mahsulot rasmlari	Do'konni ilovada ko'rsatish
Qurilma bildirishnoma identifikatori (push token)	Yangi buyurtma va holat o'zgarishi haqida bildirishnoma yuborish

Ilova joylashuv (GPS), kontaktlar, kamera yoki mikrofon ma'lumotlarini yig'maydi. Rasm tanlash tizim galereyasi orqali, faqat siz tanlagan rasm uchun ishlaydi. Reklama identifikatorlari ishlatilmaydi.

2. Ma'lumotlar kimga ko'rinadi

Do'kon (sotuvchi) — o'z do'koningizga berilgan buyurtmada sizning ismingiz, telefon raqamingiz va yetkazish manzilingizni ko'radi.
Kuryer — buyurtmani yetkazish uchun ismingiz, telefoningiz va manzilingizni ko'radi.
Platforma administratori — ilovani boshqarish va hisob-kitob uchun.
Ma'lumotlaringiz sotilmaydi va reklama maqsadida uchinchi tomonga berilmaydi.

3. Xizmat ko'rsatuvchi uchinchi tomonlar

Eskiz.uz — tasdiqlash kodini SMS orqali yuborish (telefon raqamingiz uzatiladi).
Google Firebase Cloud Messaging — bildirishnomalarni yetkazish (qurilma tokeni uzatiladi).
Telegram — faqat siz o'zingiz "Yordam so'rash" tugmasini bosib, qo'llab-quvvatlashga yozsangiz.

4. Saqlash muddati

Akkaunt ma'lumotlari akkaunt mavjud ekan saqlanadi. Buyurtma va hisob-kitob yozuvlari (summa, sana, mahsulotlar) buxgalteriya va nizolarni hal qilish uchun akkaunt o'chirilgandan keyin ham shaxsiy ma'lumotlarsiz (ism va telefon o'chirilgan holda) saqlanishi mumkin.

5. Akkauntni va ma'lumotlarni o'chirish

Xaridor: ilovada Profil → Sozlamalar → Akkauntni o'chirish. Ism, telefon, manzillar va sevimlilar o'chiriladi.
Sotuvchi / kuryer: pul hisob-kitobi bor bo'lgani uchun administrator orqali — ilovadagi shu tugma Telegram so'rovini ochadi.
Ilovaga kirmasdan ham so'rov yuborish mumkin: akkauntni o'chirish sahifasi.

6. Xavfsizlik

Kirish SMS tasdiqlash kodi orqali amalga oshadi, parol saqlanmaydi. Ma'lumotlarga kirish huquqi rollar bo'yicha cheklangan (xaridor, sotuvchi, kuryer, administrator). Hech bir tizim 100% himoya kafolatini bermaydi, lekin ma'lumotlaringizni himoya qilish uchun oqilona choralar ko'riladi.

7. Bolalar

Ilova 16 yoshdan kichik bolalar uchun mo'ljallanmagan va ulardan ataylab ma'lumot yig'maydi.

8. O'zgarishlar va aloqa

Siyosat o'zgarsa, ushbu sahifa yangilanadi. Savollar uchun Telegram: @Xakmboy.

Privacy policy (short English summary)

UCH MARKET collects your phone number, name, delivery addresses, order history and a push-notification token to let you place orders from local shops. Shops and couriers see the name, phone and address of orders they fulfil. We do not sell data, show ads, or collect location, contacts, camera or microphone data. Third parties used: Eskiz.uz (SMS codes), Google Firebase Cloud Messaging (notifications). Customers can delete their account in-app (Profile → Settings → Delete account); sellers and couriers can request deletion via Telegram @Xakmboy or the account deletion page. Order and settlement records may be retained without personal identifiers for accounting.